គេងយោលអង្រឹង

http://limchamroeun.blogspot.com

(បទពាក្យ៨ទំនើប)

  ១.  គេងយោលអង្រឹងទន្ទឹងមើលម៉ោង              ភ័យភិតប្រហោងចិត្តហាក់មិននៅ

       ភ្នែកប្រឹងសម្លឹងសញ្ជឹងគិតទៅ                    មើលតាមដងផ្លូវក្រែងឃើញ អ៊ីត.ដូ។

  ២. ព្រោះតែរូបខ្ញុំគេចម៉ោងការងារ                    មិនសូវស្ទុះស្ទានាមជា អ៊ឹម.អូ

       ចាប់បក្សពួកក្រុមជាមួយ ស៊ី.អូ                    ហើយប្រឹងស្រែកថ្ងូរថានឿយហត់ណាស់។

  ៣. មានតែពួកខ្ញុំទើបយល់ការពិត                    ជួនខ្លះប្រឌិតបំផ្លើសតែផ្តាស់

       មានហត់មាននឿយមានស្រួលយ៉ាប់ខ្លះ        ភាគច្រើនខ្ជិលណាស់ពេលដែលថ្ងៃក្តៅ។

  ៤.  ទាំងគេទាំងខ្ញុំ អ៊ឹម.អូ, ស៊ី.អូ                        សូមច្រៀងស្រែកថ្ងូរអារម្មណ៍សោកសៅ

       តើថ្ងៃណាទៅទើបផុតល្ងង់ខ្លៅ                    មេឃ,ត្រជាក់ក្តៅឈប់គេចការងារ។

លីម ចំរើន ២០.០៣.២០១៣

 

http://limchamroeun.blogspot.com

គេងយោលអង្រឹង

(បទពាក្យ៨ទំនើប)

  ១.  គេងយោលអង្រឹងទន្ទឹងមើលម៉ោង              ភ័យភិតប្រហោងចិត្តហាក់មិននៅ

       ភ្នែកប្រឹងសម្លឹងសញ្ជឹងគិតទៅ                    មើលតាមដងផ្លូវក្រែងឃើញ អ៊ីត.ដូ។

  ២. ព្រោះតែរូបខ្ញុំគេចម៉ោងការងារ                    មិនសូវស្ទុះស្ទានាមជា អ៊ឹម.អូ

       ចាប់បក្សពួកក្រុមជាមួយ ស៊ី.អូ                    ហើយប្រឹងស្រែកថ្ងូរថានឿយហត់ណាស់។

  ៣. មានតែពួកខ្ញុំទើបយល់ការពិត                    ជួនខ្លះប្រឌិតបំផ្លើសតែផ្តាស់

       មានហត់មាននឿយមានស្រួលយ៉ាប់ខ្លះ        ភាគច្រើនខ្ជិលណាស់ពេលដែលថ្ងៃក្តៅ។

  ៤.  ទាំងគេទាំងខ្ញុំ អ៊ឹម.អូ, ស៊ី.អូ                        សូមច្រៀងស្រែកថ្ងូរអារម្មណ៍សោកសៅ

       តើថ្ងៃណាទៅទើបផុតល្ងង់ខ្លៅ                    មេឃ,ត្រជាក់ក្តៅឈប់គេចការងារ។

លីម ចំរើន ២០.០៣.២០១៣

 

ត្រដោកសត្វគោ

http://limchamroeun.blogspot.com

(បទបថ្យាវត្ត)

  ១.  ត្រដោកសត្វគោសូរស័ព្ទរណ្តំ                      ហាក់ដូចបង្ខំបង្ខិតចិត្តខ្ញុំ

       ឲ្យប្រឹងដង្ហើយដង្ហក់ហៅសុំ                        កែវស្រស់ស្រីមុំឆាប់វិលវិញណា។

  ២. មករួមស្នេហ៍ស្និទ្ធបំបាត់ទុក្ខា                       ឱបជាប់ឱរាបំបាត់ក្តីនឹក

       ដឹងទេថាបងនឹកស្រីល្ងាចព្រឹក                    ឆ្អែតបាយណាយទឹកក៏ព្រោះរឿងអ្វី។

  ៣. ត្រដោកគោអើយសូមអ្នកប្រណី                  បន្លឺទៅស្រីតាមខ្សែវាតា

       ថាខ្ញុំគេងព្រួយរាល់ថ្ងៃខ្លោចផ្សា                   ព្រោះលង់ស្នេហ៍ស្រីដកចិត្តមិនបាន។

  ៤.  រស់ហាក់ឥតន័យខ្វះស្រីកល្យាណ               ទុក្ខតែងរំខានលងបងឥតស្បើយ

       មានតែអូនទេជាន័យចម្លើយ                       ជូនបងដល់ត្រើយសុភមង្គល។

លីម​ចំរើន ២០.០៣.២០១

 

ប្រុសព្រើលចិត្តព្រាន

http://limchamroeun.blogspot.com

(បទបថ្យាវត្ត)

  ១.  ប្រុសព្រើលចិត្តព្រានឃ្លានហាក់ឥតខ្លាច       រាយមាយបាចសាចសូត្រមន្តវាចា

         លែបខាយញ៉ែញ៉ងសាកសងស្នេហា            ដុតភ្លើងកាមាឲ្យឆេះសន្ធៅ។

  ២. ក្មេង,ចាស់,កំលោះឬមួយជាឪ                     ចិត្តព្រើលព្រាននៅសឹងគ្រប់ចិត្តប្រាណ

       លួចលាក់លលេងស្វែងរកសព្វឋាន             បំពេញឲ្យបានបំណងអាត្មា។

  ៣. ជួនភ្លេចខុសត្រូវអាស្រូវគ្រួសារ                   គ្រោះព្រោះតណ្ហាប្រាថ្នាសោយឆី

       មានមួយមិនស្កប់បានដប់ចង់ម្ភៃ                  ចិត្តព្រានបោកស្រីសឹងមានគ្រប់ប្រុស។

  ៤.  សប្បាយវក់លេងគំនិតយល់ខុស                 ឲ្យវាលូតដុះមិនប្រឹងកាប់ឆ្ការ

       វិលវល់វង្វេងក្នុងព្រៃកាមា                          នេះហើយហៅថាប្រុសព្រើលចិត្តព្រាន។

លីម​ចំរើន ២០.០៣.២០១