(បទបថ្យាវត្ត)
១. ជ្រែអើយជ្រែភ្នំអ្នកយំរឿងអ្វី? ឬស្រណោះដីអស់ព្រៃព្រឹក្សា
អ្នកអើយកុំយំកុំខឹងតវ៉ា មិនមែនកិច្ចការនាទីអ្នកទេ។
២. រឿងទឹក,រឿងដី,រឿងអស់ព្រៃភ្នំ ឬរឿងសង្គមទុកគេដោះស្រាយ
អ្នកគឺរុក្ខជាតិកុំឆ្លៀតបកស្រាយ ក្រែងក្ស័យស្លាប់កាយចោលញាតិសន្តាន។
៣. ស៊ូទ្រាំរស់ទៅបើកភ្នែកតាមដាន តើជនតិរិច្ឆានគេធ្វើដល់ណា?
កម្មពៀរនឹងសងចងជាបញ្ហា រស់រងទុក្ខាពេលក្សត់ធម្មជាតិ។
៤. អាកាសប្រែប្រួលមិនស្រួលប្តូរធាតុ កើតគ្រោះធម្មជាតិវរវឹកមិនខាន
ខ្យល់,ផ្គរ,រន្ទះ
ចោលកំហឹងប្រាណ ចុងក្រោយសល់បានត្រឹមការសោកស្តាយ។
លីម ចំរើន ២១.០៣.២០១៣
No comments:
Post a Comment