សប្បាយទៅនាង

 

(បទកាកគតិ)

១   .   សប្បាយទៅនាង         ទាន់នៅល្អរាង               អួតសាច់ខ្មៅ.ស

          ផ្សំខោខើចខ្លី               ស្រស់ស្រីបវរ                ឃើញប្រុសខ្វា.ក

                                            ចាយរូបសម្រស់។

២   .   សប្បាយទៅនាង         លែបខាយឆិតឆៀង       ញ៉ែញ៉ងកំលោះ

          កុំឲ្យហួសវ័យ              ស្រស់ស្រីហួសអស់       ស្តាយសោកស្រណោះ

                                              មិនបានសប្បាយ។

៣   .     សប្បាយទៅនាង         កុំព្រឺខ្លាចរាង               ខូចខុសបង់កាយ

            កើតមកជាស្រី             កុំភ័យពាក្យម្តាយ         ណែនាំបកស្រាយ

                                              គ្រាប់តែខ្យល់មាត់។

៤   .     សប្បាយទៅនាង         ស៊ីផឹករាំច្រៀង             ត្រូវចេះឲ្យស្ទាត់

            ខ្លាចល្ងង់គេដៀល       ដំនៀលលាន់មាត់       កុំស្តាប់គេឃាត់

                                              ស្តាយយុវវ័យ។

៥   .     សប្បាយទៅនាង         គ្រប់យ៉ាងដូចភ្លៀង      ធ្លាក់ស្រោចផែនដី

            មិននៅឋិតថេរ             គ្មានទេផលន័យ          ប៉ុន្តែពៀរស្រី

                                              គង់សងទៀងច្បាស់។

នៅៈថ្ងៃសៅរ៍ ទី០១ ខែតុលា ឆ្នាំ២០១១ (ម៉ោងៈ ២១ៈ៤៥ នាទីយប់)

http://limchamroeun.blogspot.com

ជីវិតសត្វគោ

(បទកាកគតិ)

  ១ .   ជីវិតសត្វគោ             ចង់ណាស់ស្រែកថ្ងូរ         ប្រាប់សោកជាប់ប្រាណ

          ឃើញម្ចាស់ស៊ីឆ្ងាញ់   ក្នក់ក្នាញ់ឥតស្រាន្ត          តែប្រាប់មិនបាន

                                          ទ្រាំស៊ីចំបើង។

  ២ .   ធ្វើស្រែរាល់ឆ្នាំ           លំបាកប្រចាំ                   តែសាច់មិនឡើង

          កូនបៅបឺតដោះ         ស្គមខ្សោះរាងស្តើង          ស្គាល់តែចំបើង

                                          ទំពាលាក់ន័យ។

  ៣​ .   សូម្បីតែក្លិន               ផ្កាខ្ញីបាយឆ្អិន                  រំដួលស្រូវថ្មី

          ក៏មិនបានហិត           ខ្លោចចិត្តហួសស្តី             គោប្រឹងឥតន័យ

                                          គ្មានអ្នកនឹកនា។

  ៤ .   តែស៊ូទ្រាំចុះ              បើគោខ្ញុំខុស                   ជំពាក់កម្មពៀរ

          ជាមួយនិងម្ចាស់        ក្រៃក្រាស់ពណ៌នា           សុំត្រឹមរួចគ្នា

                                          ក្នុងគ្នានេះផង។

  ៥ .   ទោះខ្ញុំសត្វគោ          ក៏ត្រូវការថ្នូរ                     ជាផលតបស្នង                                         មិនផ្តល់បញ្ហា                    តវ៉ាឌឺដង                         ម្ចាស់សុខកន្លង

                                          កុំភ្លេចសត្វគោ។

           

នៅៈថ្ងៃសៅរ៍ ទី២៩ ខែកញ្ញា ឆ្នាំ២០១១ (ម៉ោងៈ ១១ៈ៤៥ នាទីថ្ងៃត្រង់)

http://limchamroeun.blogspot.com