សប្បាយទៅនាង

 

(បទកាកគតិ)

១   .   សប្បាយទៅនាង         ទាន់នៅល្អរាង               អួតសាច់ខ្មៅ.ស

          ផ្សំខោខើចខ្លី               ស្រស់ស្រីបវរ                ឃើញប្រុសខ្វា.ក

                                            ចាយរូបសម្រស់។

២   .   សប្បាយទៅនាង         លែបខាយឆិតឆៀង       ញ៉ែញ៉ងកំលោះ

          កុំឲ្យហួសវ័យ              ស្រស់ស្រីហួសអស់       ស្តាយសោកស្រណោះ

                                              មិនបានសប្បាយ។

៣   .     សប្បាយទៅនាង         កុំព្រឺខ្លាចរាង               ខូចខុសបង់កាយ

            កើតមកជាស្រី             កុំភ័យពាក្យម្តាយ         ណែនាំបកស្រាយ

                                              គ្រាប់តែខ្យល់មាត់។

៤   .     សប្បាយទៅនាង         ស៊ីផឹករាំច្រៀង             ត្រូវចេះឲ្យស្ទាត់

            ខ្លាចល្ងង់គេដៀល       ដំនៀលលាន់មាត់       កុំស្តាប់គេឃាត់

                                              ស្តាយយុវវ័យ។

៥   .     សប្បាយទៅនាង         គ្រប់យ៉ាងដូចភ្លៀង      ធ្លាក់ស្រោចផែនដី

            មិននៅឋិតថេរ             គ្មានទេផលន័យ          ប៉ុន្តែពៀរស្រី

                                              គង់សងទៀងច្បាស់។

នៅៈថ្ងៃសៅរ៍ ទី០១ ខែតុលា ឆ្នាំ២០១១ (ម៉ោងៈ ២១ៈ៤៥ នាទីយប់)

http://limchamroeun.blogspot.com