(បទបថ្យាវត្ត)
១. ដើមជ្រែទួញយំជ្រំជុំប្អូនបង កើតទុក្ខសៅហ្មងស្រណោះព្រឹក្សព្រៃ
ច្រលងដងអូរ,ជួរភ្នំចាស់ថ្មី ត្រូវជាតិដទៃរុករានកាប់ឆ្ការ។
២. ជំនួសកៅស៊ូរាប់ម៉ឺនហិចតា ឯជាតិខេមរាក្លាយកញ្ជះគេ
បើរស់ធូរធារនោះមិនអីទេ ជួនត្រូវគេជេរមើលងាយច្រាសឆ្អេះ។
៣. បីដូច.សុក្រំ,នាងនួន,ភ្លើងឆេះ បេង,ធ្នង់,ផ្ចឹក,ប្រេះមិនហ៊ានតវ៉ា
ព្រោះគេមិនយល់ស្តាប់ឮភាសា រុក្ខជាតិខ្លោចផ្សាគួរឲ្យសង្វេគ។
៤. ដើមជ្រែតូច,ធំឃើញច្បាស់ផ្ទាល់ភ្នែក បានត្រឹមយំយែកបៀបទុក្ខក្នុងចិត្ត
គេកាប់ជញ្ជូនសុទ្ធឈើប្រណិត អាងលេសល្អពិតសម្បទានសេដ្ឋកិច្ច។
លីម ចំរើន ២១.០៣.២០១៣
No comments:
Post a Comment