(បទបថ្យាវត្ត)
១. ប្រុសព្រើលចិត្តព្រានឃ្លានហាក់ឥតខ្លាច រាយមាយបាចសាចសូត្រមន្តវាចា
លែបខាយញ៉ែញ៉ងសាកសងស្នេហា ដុតភ្លើងកាមាឲ្យឆេះសន្ធៅ។
២. ក្មេង,ចាស់,កំលោះឬមួយជាឪ ចិត្តព្រើលព្រាននៅសឹងគ្រប់ចិត្តប្រាណ
លួចលាក់លលេងស្វែងរកសព្វឋាន បំពេញឲ្យបានបំណងអាត្មា។
៣. ជួនភ្លេចខុសត្រូវអាស្រូវគ្រួសារ គ្រោះព្រោះតណ្ហាប្រាថ្នាសោយឆី
មានមួយមិនស្កប់បានដប់ចង់ម្ភៃ ចិត្តព្រានបោកស្រីសឹងមានគ្រប់ប្រុស។
៤. សប្បាយវក់លេងគំនិតយល់ខុស ឲ្យវាលូតដុះមិនប្រឹងកាប់ឆ្ការ
វិលវល់វង្វេងក្នុងព្រៃកាមា នេះហើយហៅថាប្រុសព្រើលចិត្តព្រាន។
លីមចំរើន ២០.០៣.២០១
No comments:
Post a Comment