(បទបថ្យាវត្ត)
១. ត្រដោកសត្វគោសូរស័ព្ទរណ្តំ ហាក់ដូចបង្ខំបង្ខិតចិត្តខ្ញុំ
ឲ្យប្រឹងដង្ហើយដង្ហក់ហៅសុំ កែវស្រស់ស្រីមុំឆាប់វិលវិញណា។
២. មករួមស្នេហ៍ស្និទ្ធបំបាត់ទុក្ខា ឱបជាប់ឱរាបំបាត់ក្តីនឹក
ដឹងទេថាបងនឹកស្រីល្ងាចព្រឹក ឆ្អែតបាយណាយទឹកក៏ព្រោះរឿងអ្វី។
៣. ត្រដោកគោអើយសូមអ្នកប្រណី បន្លឺទៅស្រីតាមខ្សែវាតា
ថាខ្ញុំគេងព្រួយរាល់ថ្ងៃខ្លោចផ្សា ព្រោះលង់ស្នេហ៍ស្រីដកចិត្តមិនបាន។
៤. រស់ហាក់ឥតន័យខ្វះស្រីកល្យាណ ទុក្ខតែងរំខានលងបងឥតស្បើយ
មានតែអូនទេជាន័យចម្លើយ ជូនបងដល់ត្រើយសុភមង្គល។
លីមចំរើន ២០.០៣.២០១
No comments:
Post a Comment