(បទក្របចក្រវាឡ
មេពាក្យ៩)
១.
ចិត្តលោភៈ ជាក់មិនស្ងប់ ឡប់គេងគិត
នាំឲ្យចិត្ត ពិតសោកសៅ ក្តៅក្រហាយ
រស់មិនស្រួល ប្រួលប្រែសុខ ចុកចាប់ស្តាយ
ខ្លះឆ្អែតបាយ កាយទ្រុឌទ្រោម ស្គមឥតន័យ។
២.
ហេតុមិនយល់ ពុលលោភៈ ទាក់ជាប់ចិត្ត
ភ្លេចអាណិត គិតគ្រួសារ ប្រាថ្នាស្អី?
ប្រពន្ធកូន សូន្យសុខសាន្ត ប្រាណយ៉ាប់ប្តី
ហាក់គ្មានន័យ អ្វីប្រៀបបាន ប្រាណចិត្តស្អប់។
លីម ចំរើន ២២.០២.២០១៣
No comments:
Post a Comment