(បទបថ្យាវត្ត)
១. ឱ!កូនប្រុសស្រីកូនមាសឪពុក ពុកត្រូវឃ្លាតមុខមួយរយៈខ្លី
បំពេញការងារនៅតំបន់ថ្មី សៀមប៉ាង.ទឹកដីជាប់ដែនសីមា។
២. កូនកុំយំអីអាណិតម៉ែណា គាត់យ៉ាប់កាយនិងផ្លូវចិត្តផង
ពួកកូនត្រូវឆ្លាតកុំនំាសៅហ្មង មិនយូរនួនល្អងពិតជួយពុកវិញ។
៣. តែមួយសប្តាហ៍កូនកុំទុក្ខម្នេញ ព្រួយសោកចិត្តជ្រេញគង់រសាត់ឆ្ងាយ
ប្រពន្ធបងអើយអូនកុំខ្វល់ខ្វាយ ប្តីពិតសុខកាយមិនបញ្ហាទេ។
៤. សូមអូននិងកូនសោយសុខទាំងទ្វេ បងព្រាត់រស់ទេគ្មានរឿងអ្វីឡើយ
ពិតឆាប់ជួបវិញទុក្ខព្រួយស្រាកស្បើយ លទ្ធផលចុងក្រោយសោយសុខមង្គល។
លីម ចំរើន
២៥.០៣.២០១៣
No comments:
Post a Comment