សំណោកគ្រឹះក្រោមអគារ

បទភុជង្គលីលា

     ១.  សំណោកគ្រឹះក្រោមអគារ                    យ៉ាប់យ៉ើនគ្រប់គ្រា     គ្រប់គ្នាជួយផង។

     ២.  គ្រឹះខ្ញុំធ្ងន់កាយកន្លង                           តែផលតបស្នង     ហាក់សងមិនស្មើ។

     ៣. អគារស្អាតគេសរសើរ                         សប្បាយជួល,ប្រើ     គ្រាន់បើអគារ។

     ៤.  ឯគ្រឹះក្រោមខ្ញុំវេទនា                           តវ៉ាទាមទារ     គ្រប់គ្រាបានអ្វី?

     ៥.  ត្បិតម្ចាស់អគារប្រុសស្រី                     ស្តាប់មិនយល់ន័យ     មិនភ័យគ្រឹះក្រោម។

     ៦.  ប្រឹងតែងអគារអួតឆោម                       ឯគ្រឹះហិតផោម     ខាងក្រោមខ្លោចចិត្ត។

     ៧. អគារស្រស់ស្អាតប្រណិត                    អ្នកផងឆ្ងាយជិត     ស្នេហ៍ស្និទ្ធបំផុត។

     ៨.  ពេលអគាររលំស្រុត                           បែរភ័យតក់ស្លុត     សម្លត់ជេរគ្រឹះ។

     ៩.  ឡូឡាទាំងទទឹងទិស                          វាចាដូចពិស     ដៀលគ្រឹះមិនល្អ។

     ១០.មិនគិតហេតុផលខ្មៅ,ស                     តើគ្រឹះមិនល្អ     ឬក៏ព្រោះជាង។

លីម ចំរើន​

១៤.០៣.២០១២

http://limchamroeun.blogspot.com